Zamme mit der Mundartdichterwettstreit Bockenheim un em Pennsylvania German Minor Program an Kutzeschtettel University grickt die glee Zeiding Hiwwe wie Driwwe im Yaahr 2011 en nei Ding ans geh – en “Award for Pennsylvania German Literature”.
Un sellerweg schafft’s: Wann du en Schreiwer bischt odder en Schreiwern, schick dei Schtofft, ass du gschriwwe hoscht, bis Moi 15, 2013 zu
- “Hiwwe wie Driwwe”, Pfannenstiel 13, 55270 Ober-Olm, Germany, odder
- zu Kutztown University, Prof. Bill Donner, P.O. Box, Kutztown, PA 19530, USA
Die Schreiwer, wu glese henn beim Kutzeschtettel Folk Festival odder ebbes gepublisht ghatt henn in die letschte zwee Issues eb em Folk Festival, sinn debei: Ihr Schreiwes watt gschickt zu en Jury in Deitschland.
Alle Yaahr im September kummt die Jury zamme vum “Pfälzischer Mundartdichgterwettstreit Bockenheim” im alte Land, un selli 11 Leit lese newich die paelzer Gedichte aa es Schreiwes in die pennsylvanisch-deitsch Mudderschprooch. Sie saage am End, weller Schreiwer der “Award for Pennsylvania German Literature” – der “HwD Award” – grickt im Yaahr.
Macht mit!
Winner 2011: Richard Savidge (Hegins, PA) mit “S iss Winder im Daal” (Gedicht)
Winner 2012: Kevin Sterner (Gilbertsville, PA) mit “Middagesse in de Zwansicher” (Gschicht)
