‘S KATZ DEITSCH SCHTICK: Abril 2008

Wie Willi Weckel

Der Wie Willie Weckel,

Nixnutzicher Bu.

Er sucht un findt Druwwel,

No lacht er dezu.

Zieht Kieh ihri Schwenzel,

Yaagt Feddervieh weg.

Schlagt Weschschteiber nunner,

Schleeft alles im Dreck.

Er schpringt wie der Deiwel,

Un dschumpt in die Heh.

Verschreckt alti Weiwer,

Losst nix erecht schteh.

Dreet uff Hund ihr Schwenzel

Gschpaut uff die alt Katz.

Er yaagt mit sei Hollerflint

Die Amschel un Schpatz.

Was fehlt so en Rutzer?

En deiflischer Relbscht.

Gut schwaarde un bletsche,

Verleicht macht ihn en Helf.

“Nau genunk!”, saagt der Daadi,

“Des kummt zu en End.”

Nemmt halt an der Willie,

Zu der Holzschopp neigerennt.

Nau heere mer ihn yohle,

En madderlich Gegrisch.

Die Gatt uff seim Hinnerdeel,

Des drefft ihn recht frisch!

Nau nimmi unschuldich,

Beheeft sich ganz gut.

Der nei Willie Weckel:

En recht schmaerder yung Bu.

Peter V. Fritsch (Alburtis, PA)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s