‘S KATZ DEITSCH SCHTICK: Moi 2009

Der Mudder ihre Daag

Die Feierdaag im e Yaahr
Sinn viel, vun alle Aarte.
Fer des un sell, das emol waar,
Un Sache zu erwaarte.

Fer Patriote, lang schun doot,
Ihr Blut in Schlacht vergosse,
Fer Weise, dass in Hungersnot,
Die Welt henn lang verlosse.

Fer Schtaatsleit, die in ihrem Lewe
En Saryie henn gedraage,
Die Welt kenn Dank hot ihne gewwe,
Bis lang, sie waar’n begraawe.

Der schenscht, dass im Kalenner schteht,
En Weibsperson duht ehre,
Sie iss bekannt uff weit un breet,
Zu allem Mensch duht g’heere.

Sie hot fer uns en Schmatz gedraage
Mitaus emol gewinselt,
Doch hot sie oftmols nasse Aage,
Wann unsereens net blinzelt.

So loss uns uff den Saag sie b’suche,
Dieweil sie iss noch do,
Un frisch die Mudderlieb versuche,
Des macht sie hatzlich froh.

Hot sie der lang, lang Weg genumme,
Un ruht mit Gottes Sege,
Loss uns die Schtreis vun scheene Blumme
Uff ihre Graab hielege.

Lloyd Moll (1879-1944)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s