‘S KATZ DEITSCH SCHTICK: HANNING 2011

Der Grundsau ihr Daag

Dinschdaag iss en wichdige Daag fer uns Deitsche! Uff em Zwette Hanning is Grundsaudaag. Ich hab gedenkt, ass selle Wochs waerr ich glee bissel vun der Gschicht vun seller Feierdaag schreiwe. Grundsaudaag iss en Feierdaag, der uff em zwette Hanning in Amerikaa gfeiert watt. Die Gschicht geht so: Wann es drieb iss un die Grundsau aus ihrm Loch kummt, watt sie ihr Loch verlosse. Sell meent, ass der Winder schun ball vorbei iss. Awwer wann es sunnich iss, watt die Grundsau ihr Schadde sehne un zerick ins Loch laafe, un der Winder watt fer sechs Woch meh dauere.

Heidesdaags gebt es viele Feschte frieh am Mariye, um die Grundsau zu sehne. In Suddoscht Pennsylvaania, Grundsau Lodges feiere es Feschtdaag mit Versammlinge. Versammlinge sinn Feschde, wu es en Iems gebt, Redde sinn ghalde, un vielleicht glee bissel Muysick in die Mudderschprooch sinn gschpielt un gsunge. Uff soddiche Feschde gebt es yuscht Deitsch, wann epper en Englische Wadde saagt, muss mer Geld bezaahle!

Der Feierdaag hot ass en Pennsylvaanisch Deitsche Kustom in Suddoscht Pennsylvaania in em 18. un 19. Yaahrhunnert aagfange, hot sei Aafang in alde Europaische Wedder Gschichde. Datt hot es en Badger es Wedder gsaagt. Es greeschde Grundsau Fescht iss in Punxsutawney, Pennsylvaania. Die Grundsau datt heesst Punsutawney Phil. Der Haaptmenner vun Punxsutawney draage Tuxedos un Schtitzhiet fer es Fescht!

Die Grundsau (Marmota monax) iss Freindschaft zu die Eechhaas Familye! Sell hawwich net gwisst! Der Winder bis nau is arrig kalt gewest un es hot viel Schnee schun gewwe. Ich hoff, ass uff em Dinschdaag, der Phil sei Schadde net sehne watt.

Douglas Madenford

(Sell Schreiwes waar gnumme vun: www.deitscheblog.wordpress.com. Bsucht mol sell Blog!)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s