‘S KATZ DEITSCH SCHTICK: Tschulei 2011

Der Pennsylvanisch-Deitsch Daag

Mer iss nie zu alt fer ebbes Neies lanne. Glaabts odder net, awwer die Groosskepp in Harrisbarick henn ebbes Guudes geduh zerick in 1976. Sie henn gsaat, ass Tschuun 28 alli Yaahr der “Pennsylvanisch-Deitsch Daag” sei sett. Un sell iss es Law, ass sie gepaesst henn: “WHEREAS, The act of June 29, 1976 (P.L.458, No.113), provides for the observance of June 28 of each year as “Pennsylvania German Day” and authorizes the Governor “to issue a proclamation each year calling upon the people of the Commonwealth to commemorate the contributions of the Pennsylvania German people to the history and culture of the Commonwealth, and to observe that day with appropriate honors and ceremonies”; therefore be it.
Iss sell net ebbes Abbadiches? Ich hab mei Facebook Freind gfroogt, eb sie ebbes wisse deete vun sell, un sie duhne net. Mer henn sell iwwergschwetzt in die Groups “Pennsylvania German and Proud” un “Pennsylvania Dutch Life”. Noht hemmer ausgmacht, mer sett verleicht neegscht Yaahr en wennich frieher denke an sell un meh Leit wisse losse vun sell abbadicher Daag. Nau kenne mer nix duh wie alles schteh un leie losse, wu es iss, un annegeh zum Kutzeschtettel Folk Festival, ass alleweil Blatz nemmt datt. Wann dihr ebber aadrefft, ass die Mudderschprooch noch am schwetze iss, noht kennt dihr en guudi Zeit hawwe. Ich wott, ich waer debei des Yaahr, awwer ich bin net. So waref ich yuscht mei deitscher Schtrohhut in die Heh un winsch alliebber datt un in ganz Baricks Kaundi en guud Wedder. Mer welle hoffe, ass es net zu heess iss.

Yuscht der Michel aus em alte Land,
ass alliebber en blessierlicher Summer winscht

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s