‘S KATZ DEITSCH SCHTICK

Es waar Feier an die Scheier

Es war Feier an die Scheier
selli Nacht in Bethlehem,
Es waar so frisch un kiehl gwesst
fer des Kindli un sei Memm.
Un die Schipplin in die Ecker
henn geblinzelt un geblatt,
Weil, in ihre katzi Yaahre,
henn sie nix so gsehne ghatt.
Un die glenni Zwilling Hammlin
driwwe in en annre Penn,
Henn sich aa so viel verschtaunt,
wu sie des all gsehne henn.
Un der Esel hot gegrische,
un der Geesbock hot noh ghuuscht,
Un es war ee bissli Gackses
vun die Hinkel uff em Ruuscht.
Ya, die Sunn waar schier gaar unner,
un die Owetluft waar schwer,
Wu der Joseph un die Mary
gschtoppt henn an die Scheierdeer.
Sie henn nei geguckt un gmotioned
un ee bissli zamme gschwetzt,
Noh sinn sie dorei gekumme
un henn Sache rumgesetzt.
Schtroh un Hoi henn sie noh gsammelt
in en Haufe uff em Floor,
Un henn sich en Bett gmacht datt,
hinnich die anner Scheierdoor.
Es waar schtill fer en glee bissli,
un noh iss der Joseph naus,
Hot some Hecke zamme glese
un en Feier gmacht datt draus.
Wu die Flamm noh nidder waar,
dann iss der Joseph zrick dorei,
Un es waar gaar nix am schtarre
fer an zimmlich lange Zeit.
Schpaeder waar’s no bissli Yacht
datt hinne an sell Scheierdoor,
Un noh gebt’s en neier Wimmsel,
ass mer net gheert hot devor.
‘S waar en neigebore Kind,
ass bissel gschnippst hot un gebrillt,
Un der Joseph iss glei naus
un hot en Wassereemer gfillt.
Er hot Hecke uff em Feier
un der Eemer annegsetzt,
Un es waar noh glei am brenne
un des Wasser am schtieme gwesst.
Noh iss er datt hinne nei
un nemmt der Wassereemer gschwind,
Un hot Sache noh verseigt
fer seine Fraa un ihre Kind.
Sie sinn noh datt hinne raus
un henn sich an des Feier ghockt,
Es waar bissli Schtroh am henke
uff die Mary ihre Rock.
Datt im alder Fuuderkaschde
hot sie noh des Kindli glegt;
Es waar in die Windel gwickelt
un hot sich gaar net meh verregt.

Enos Stutzman

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s