‘S KATZ DEITSCH SCHTICK

‘S bucklich Mennli

Mir is mer yuscht eikumme, was mei Groossmammi als verzaehlt hot—as des Zeit vum Yaahr, wann mer’s Friehgaardesach naus hot, wei, des waar die Zeit vum Yaahr, wu die alde Leit als verzaehlt hen, as sie die gleene Mennlin gsehne hen rumher—in unnerschiddliche Bletz im Pennsylvaanisch Deitschland. 

Un des waar, uffkors, was die Englische un die Skotsch un die Eirische saage, as die “Fairies” waerde, odder die gleene Leit, wu im Land rumschpringe.  Nau, die Eirische abaddich—die hen ihre gleeni Menner, as sie sehne un heere, un sie schwetze aardlich viel vun dem.  Awwer’s sin net viel Leit, as wisse, as die Pennsylvaanische Deitsche aa die gleene Mennlin ghat hen.

Nau, eens vun denne waar, uffkors, es “Bucklich Mennli,” as sie ghat hen im Haus.  Un des waar die Hausfraa ihre Mennli gewest, was sie geglaabt hot drin.  Un en Latt vun denne alde Weibsleit hen en abaddicher Blatz in die Feierherd ghat, as sie net weckgekehrt hen, so as es “Bucklich Mennli”  schlofe kann datt. 

Es “Bucklich Mennli” waar en gschpassicher Kall gewest.  Er hot, wann die Fraa am backe waar un’s is ‘re eppes gfalle, odder is ‘re en Mick in der Peideeg kumme, odder eppes wie sell, wei, hot sie, uffkors, gsaat—”des waar die Schuld vum Buckliche Mennli.” Wann er net datt gewest waer, wei, waer des net ghaeppent.  Un awwer wann sie en guder Kuche gebacke hot—un der is schee luck (light) gewest, as er gut geroche hot un alles, wei, dann hot sie, uffkors, aa gsaat—”ya well, des muss mer em Bucklich Mennli gewwe, er hot mer mitgholfe fer den Kuche backe.”

John Brendel (1889 -1966)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s