‘S KATZ DEITSCH SCHTICK

‘S hot gholfe. Der Weddermann hot gsaat, es Friehyaahr iss yuscht rum die neegscht Eck. Neegscht Woch sett’s besser un waremer warre. So hot unser glee Song vum John Schmid vun Berlin (Ohio) verleicht en wennich ebbes gebatt? Mer finne sell seilewes net aus, awwer mer sinn froh un hallich. Fer sell drucke mer heit des do Gedicht:

Friehyaahr

Wann der Blohvoggel kummt,
Un Forell widder tschumpt,
Un der Haas is wusslich im Glee;
Wann der Piewie schee peift,
Un die Nacht nimmi reift,
Un am Dach gebt’s ken Eiszappe meh.

Wann die Pissebettblumm,
Weist sich alliwwer rum,
Un’s Graas in de Felder is grie;
Wann der Bauer im Feld
Welschkannfarich graad schtellt,
Un Beem weisen Blaedder un Blieh.

Wann die Sunn in der Heeh
Scheint so waarm un so schee,
Un die „kneedeeps,” die greischen im Schwamm;
Wann die Eil un Schpeckmaus
Sin mol nachts widder drauss,
Un der Bullfrack singt Bass im Damm.

Wann die Blumme so neis
Bliehe rot, bloh un weiss,
Im Gaarde, im Busch un im Feld;
Wann die Yunge im Land
Laafen rum Hand in Hand,
Is alles ball recht in der Welt.

No is Winder verbei
Un vun Schnee sin mir frei—
Wie is doch der Himmel so bloh!
Was en lieblichi Zeit
Un so hallich die Leit,
Wann Friehyaahr is widder do.

Ralph Funk (1889-1969)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s