‘S Katz Deitsch Schtick: Wann’s Schpetzel singt

Wann’s Schpetzel singt

En Schpetzel hot sei Nescht gemacht
Im Baemche vor meim Haus.
Es singt vun frieh bis in die Nacht,
Wann’s geht do nei un raus.
Kennt’s sei, ass es so Dinge deet,
Weil ich net hallich bin?
Wann ich es heer, macht’s mir viel Freed –
Du kummscht mir in der Sinn.

Net schei, so duht des Schpetzel singe
Graad uff meim Portsche-Riggel.
Sei Kopp so hie un here schwinge,
Vermuckt net mol en Fliggel.
Was so en Gsang ehm riehre kann!
Des hot mich iwwernumme.
Ich hoff, ich bleib als noch en Mann,
Wann Draene aa sinn kumme.

Des bringt die Zeit zu mir zerick,
Wu en Schpetzel gsunge hot,
Im Yudasbaam so an de Grick,
Ass wann’s net schtoppe wott.
Un wann ee Liedel leedich waar,
Kummt ihm en anners ei.
So iwwer’s Wasser schallt des glaar,
Es kennt net schenner sei.

Iss dir der Gsang vum Schpetzel lieb,
So wie er frieher waar?
Macht des dir aa die Aage drieb,
En Zwang am Hatz sogaar?
Vergangeheit, zu lewe drin,
Was des mir Freede bringt!
Un allfatt kummscht mir in der Sinn,
Wann’s Schpetzel zu mir singt.

Lloyd A. Moll
(Macungie, Lehigh County, PA, 1879-1944)

One response to “‘S Katz Deitsch Schtick: Wann’s Schpetzel singt

  1. Thank you, thats very nice!

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s