‘S KATZ DEITSCH SCHTICK: Schpotyaahr

Schpotyaahr

‘S is Schpotyaahr! Ya, yuscht guck mol naus,
Wie farebt sich die Nadur
In grie un gehl un rot un brau,
Es gebt glei Reife, schur!

Die Daage warre aafangs katz,
Der Wind glei rau un kalt;
Ball schwewe dunkle Wolke rum,
Wu Schnee un Regge halt.

Die Summerhitz hot lang gedauert,
Un Schwitz hot’s viel gekoscht,
Doch was Blessier die Ern vun Frucht
Un Obscht, eb kummt der Froscht!

Es Welschkann is nau all gebascht,
Grummbiere aa all hin,
Die Karebse, Riewe un so was,
All in der Scheier drin.

Die Winderfrucht is lengscht schun drauss,
Schweri Arewet ball geduh;
Der Bauer ziehgt en langer Seifz
Un nemmt sich bissel Ruh.

Die Veggel fliege suddwerts, wu
Is waarmer Sunneschei;
Die Grundsei, Schquarl un so Gedier,
Die schlofen alsball ei.

Der Yaeger laaft drauss rum im Feld,
Sei Hund is uff der Schpur
Vun Haase un Fassande un
Der macht en grooss Uffruhr.

Was sin die Daage doch so hibsch!
Kennt eppes schenner sei
Wie Schpotyaahr ariyets drauss im Land,
Eb schloft die alt Erd ei!

Ralph Funk (1889-1969)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s