‘S Katz Deitsch Schtick: “Frei”

Frei

Ich hab geglaabt un hab gebedt, waar sunndaags in die Gmee,
Hab gschtanne, mei Hand uff em Hatz, wann die Flaeg iss in die Heh,
Hab gfochte, fer was sie mer gsaat henn, gfolicht der President,
Hab nie net gfrogt, eb ebbes vun sell verleicht letz sei kennt.

Ich hab zu viel gedrunke, zu viel Cigarettes gekaaft,
un als zu viel geguckt, wann en Fraa die Schtrooss lang laaft,
Geld waar mir en wichtich Ding, wott meh un meh devun,
doch ich hab all sell gschtoppt uff eemol, well, die Zeit iss um.

Chorus:
Un ich bin frei, es erscht mol richtich frei,
die Sunn geht uff, sag, was kennt scheener sei?
Guck net zerick, verbei iss yuscht verbei,
nau bin ich frei.

Ich hab browiert, net zu viel denke, iwwer wer ich bin,
un net gewunnert, wu mei alte Freind heit alle sinn,
hab anner Leit schlecht fiehle gmacht, ‘s hot mer net leed geduh,
so waar es fer en langi Zeit, doch nau finn ich mei Ruh …

Chorus:
Un ich bin frei, es erscht mol richtich frei,
die Sunn geht uff, sag, was kennt scheener sei?
Guck net zerick, verbei iss yuscht verbei,
nau bin ich frei.

Zwischenei-Schtick:
Ich hock mich uff die Porch un schockel in mei Schockelschtuhl,
denk net viel iwwer Maryie, wie es waar devor die Ruul,
un harich erscht mol in mich nei, wann ich en Antwatt such,
weil die mer net die Guckbax saagt, un aa kenn schmaerdes Buch.

Heit brauch ich kenn Banker, sei Silwer un sei Geld,
Muss nimmie yung un dinn sei fer zu lewe uff der Welt.
Un endlich gebt es Hoffning, un ich fiehl guud wie nie,
ich kann der sei, der ich will – un ich weess aa, wie …

Chorus:
Un ich bin frei, es erscht mol richtich frei,
die Sunn geht uff, sag, was kennt scheener sei?
Guck net zerick, verbei iss yuscht verbei,
nau bin ich frei.

Michael Werner
Naach: Tim O’Brien & Darrell Scott, „Free again“

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s