Es katz deitsch Schtick: “Es batt nix …”

Es batt nix …

Es batt nix, wann du rum hockscht un dei Kopp kratzscht,
sell macht ennicher kenn Verschtand.
Es batt nix, wann du rum hockscht un dei Kopp kratzscht,
hoscht seilewes nix gelannt.
Wann der Hahne greht am Mariye frieh,
geh ans Fenschter un guck yuscht hie,
ich bin fatt so schnell wie nie,
doch denk net schlecht, ‘s iss alrecht …

Es batt nix, wann am Owet du en Licht machscht,
hab so ebbes nie net gseh.
Es batt nix, wann am Owet du en Licht machscht,
bin uff die duschber Schtrooss am geh.
Un bin doch am hoffe, du deetscht ebbes duh,
was macht mich bleiwe un gebt mer mei Ruh.
Mer henn nie net viel gschwetzt un aa glacht dezu.
Doch denk net schlecht, ‘s iss alrecht.

Es batt nix, wann du laut mei Name ausrufscht,
wie du’s nie net hoscht geduh.
Es batt nix, wann du laut mei Name ausrufscht,
weil ich heer dir nimmie zu.
Ich bin als am driwwer denke uff mei Weg lang die Schtrooss,
hab en Fraa gegliche, nau was waar los.
Hab gewwe mei Hatz, doch mei Seel wollt sie blooss.
Denk net schlecht, ‘s iss alrecht.

So geh ich ganz allee mei langer Weg, Babe,
wu ich heit schlof, weess ich noch net.
So geh ich ganz allee mei langer Weg, Babe,
ich weess, ass ich saage sett:
Leb yuscht wohl, hattyie, es duht mer leed,
doch waar die Zeit mit dir kenn Freed,
zum Glick gebt’s aa noch annri Meed.
Doch denk net schlecht, ‘s iss alrecht.

Michael Werner
(naach Robert Allen Zimmerman)

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s