Zum Schtarewe iss heit net en guuder Daag
(The Molly Pitcher Story)
So hatt waar der Winder, so wennich henn sie gwisst.
Von Steuben hot die Kalls gelannt, wie mer fechte misst.
Im Washington sei Heisli hot es Feier waarm gebrennt,
Wie en latt ganz yunge Buwe sinn darich Schnee un Dreck gerennt.
Oh, heert mol, was ich zu eich saag:
Zum Schtarewe waar sell net en guuder Daag.
Im Summer henn sie gfochte, die Sunn, die waar so heess.
Un middes in en Drupp Soldaate waar die Molly Hays.
Hot gfochte Wasser draage zu ihrm Mann un anneri Leit,
Es Cannon aa zu kiehle, ass es schiesst lang guud un weit.
Molly! Pitcher brauche mer ganz schnell!
Mach! Renn dabber anne zu der Gwell.
Uff eemol hot ihr Mann, der Billy, gegrische un gebluut.
Noht iss die Mary gschprunge, hot gekennt es Cannon guud,
Hot gschtoppt es Pulver un die Kugel in es Rohr dief nei,
Un gschosse un geguckt en Weil, noht hot mer gheert en Schrei.
Oh, heert mol, was ich zu eich saag:
Zum Schtarewe iss heit net en guuder Daag!
Michael Werner
“Der Hiwwe wie Driwwe Mann”
gschpielt bei die Band “NEW PALTZ”
(Original: Solas, Tell God and the Devil …)
The Pennsylvania German Newspaper 