‘S Katz Deitsch Schtick: April 2016

Die Gschicht vun die Susanna Cox (1785-1809)

Sie hot gelebt im Oley Daal un waar yuscht vatzeh Yaahr alt,
Wie sie gschtaert hot schaffe uff en Bauerei.
Die Summersunn waar heess, un der Winderwind waar so kalt,
Un doch hot sie gfiehlt ‘s erscht Mol wennich frei.

Sie hot die Hinkel gfiedert un die Kieh zur Weed gedriwwe,
Un der Bauer hot gegliche, was er sehnt.
Waar die Arewet noht geduh, iss im Haus fer’s Iems sie bliwwe,
Hot in der Kich geholfe bis zum End …

Doch middes in die Nacht hot sie als net schlofe kenne,
Der Bauer hot sie bsucht ganz leis un schtill,
Was er mit ihr geduh, macht die Leit heit als noch schemme,
Sie hot nix gsaat, un ‘s waar doch net ihr Will.
Sunndaag Maryiets in die Gmee hot sie der Parre gsehne,
Un hot gebet un gsunge aardlich viel.

Es Friehyaahr waar nur katz, un der Summer aa ball veriwwer,
Un im Schpotyaahr hot sie gesse schun fer zwee.
Un wie der Daag waar do, iss sie in die Scheier niwwer,
Es Kind gebor, dorch zrick iss sie allee.

Es hot net lang genumme, un der Sheriff hot sie gfunne,
Die Lawyer un der Judge henn gfrogt net viel.
Sie hot kenn Englisch gschwetzt, hot en Lied in deitsch leis gsunge,
Zwelf Maenner henn am End erreicht ihr Ziel.

Un zwanzichdausend Leit waarn uff seller Blatz am schtehne,
In Reddin, un deel waarn am glaage so.
Un zwanzichdausend Leit henn es Seil datt henke sehne,
Susanna Gax iss gschtarewe glei dernoh.
Un en alti Fraa hot schtill der Bauer sehne gehne,
Ins Wattshaus, un sei Freind waarn aa schun do …

Un en alti Fraa hot schtill der Bauer sehne gehne,
Ins Wattshaus, un sei Freind waarn aa schun do.

Michael Werner (2014)

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s