Okay, mir all wisse, ass der Donald Trump nau der greescht Groosskopp iss im neie Land. Was deel Leit awwer net wisse, ass sei Grempaep gebore waar un gewuhnt hot in die Heemet, vun wu die meenschte Voreldre vun die Pennsylvanisch-Deitsche kumme sinn: die “Pfalz” (the Palatinate). In des do Documentary kennt dihr ebbes lanne vum Schtettel Kallstadt, wu sei Grempaep gebore waar, vun die Familie Trump un Heinz (Ketchup), vun Seimaage – mer heert die Paelzer schwetze in die deutsch Mudderschprooch un en Cousin vom Donald schwetze iwwer die Gschicht vun die Trump Familie. All die Leit schwetze Dialect, so henn sie Subtitles druff duh misse fer die Leit im German TV, ass net aus des Weltdeel sinn. ‘S iss gschpassich un guud zu verschteh, wammer Pennsylvanisch-Deitsch schwetzt.
The Pennsylvania German Newspaper 
Grad heid war isch widder drowe in Kallschtatt, die Leit dort sinn zum Glick ned so wie der Trump, die Leid dort sin entschponnt und freindlisch und es gibt imer äh gude Schobbe.
Mer kann vun dem “Groosskopp” jo halde was mer will, awwer die Documentary iwwer Kallstadt un die Region (Pfalz) iss schun sehr, sehr sehenswert – un des sogar fer jemand, wu in de Palz wohne duut. Un, des iss net uwichtig heitzudaachs: des Lache kummt ach net zu korz :)
Guggen emo noi! Kann isch nur empfehle!
Viele Grüße vun de Deitsch Woistrooss nooch Amerika!