Deitsch Web-TV: Grischtdaag uff die Bauerei

Alle Yaahr im Disember gebt es “Pennsylvania German Cultural Heritage Center” en Eilaading zu alliebber fer nauskumme zu die Bauerei fer ausfinne, was die Pennsylvanisch-Deitsche an Grischtdaag geduh henn Yahre zerick. Seller Event heesst “Christmas on the Farm”. Der Doug Madenford, Co-Editor vun “Hiwwe wie Driwwe”, waar datt un hot en glee Video gemacht. Grooss Dank, Doug. En Gruuss aa zu die Lydia un der Mike Hertzog, zwee Musiganter, ass mer sehne kann im Video (sie schpiele Guitar un Bass). Sie waare in Deitschland im alte Land in Oktower 2017 fer der “12th German-Pennsylvanian Day”. Sell waar blessierlich. Un ya, der Terry Berger, iss aa druff. Terry, ich weess, mer henn im Tschulei des Yaahr beim Kutzeschtettel Folk Fescht yuscht katz neischtoppe kenne in dei Summerkich. Was du gekocht hoscht, hot abbadich guud geguckt un geroche – un’s neegscht mol nemme mer aa en wennich meh Zeit fer sell esse. Ich verschprech! En hallicher Grischtdaag zu eich all datt driwwe in K-Town.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

This site uses Akismet to reduce spam. Learn how your comment data is processed.