Norbert Schneider gwinnt Award

Norbert Schneider (in de Mitt) mit Michael Werner (Hiwwe wie Driwwe) un Michael Dostal (VielPfalz) in Bad Dürkheim

Norbert Schneider (Rehborn, Palainate) hot der Award “Dialect Poem of the Year 2021” grickt im alte Land fer sei Gedicht “Recheliewunge”. Die Zeidinge “VielPfalz” un “Hiwwe wie Driwwe” henn ihr Leser gfrogt ghatt fer en Entscheiding mache, welles vun zwee Gedichte – ass alle beed en Contest gwunne ghatt henn – es bescht iss. Do iss es Gedicht:

Recheliewunge

Im Alder werd mer immer mie gewahr:
Es Lewe ess kää grari Linje ohne Enn,                                                                                                                                                                   nää, mie e Streck, mem Endpunkt in de Schwewe.                                                                                                                                                Oft hot mer sich als nor im Krääs gedreht,                                                                                                                                                              im volle Umfang ess mer nimmi uff de Heeh,                                                                                                                                                          de Scheidelpunkt ess iwwerschrett im Lewe.

In manche sache hatt mer inveschdeert,
doch Zinse hot´s nor arich selde abgeworf,                                                                                                                                                              de Insatz hoch, mau de Ertrach denewe.                                                                                                                                                                   Mer hatt sei Pleen gemach unn kalguleert:                                                                                                                                                              Do schwupp – ää äänzich Vorzeiche nor ännert sich,                                                                                                                                           ruck-zuck gibt`s glei e großer Bruch im Lewe.

Macht mer de Saldo unn zieht mol Bilanz,
stellt alles iwwerschleechich gejenanner uff,                                                                                                                                                        dann dut`s Ergebnis driwwer Uffschluss gewwe:                                                                                                                                                Summasummarum dann im beschde Fall                                                                                                                                                                hatt mer om Enn e Hekdolidderfass voll Glick                                                                                                                                                       unn nor zwää Schobbeblech voll Pech im Lewe.

Es Äämolääns vum Lewe iebt sich nit,
e Haufe Unbekannde speele do e Roll.                                                                                                                                                                   Wahrscheinlichkääde kammer nor erhewe,                                                                                                                                                            wer wääß dann, ob de Rechelweech aach stimmt?                                                                                                                                                  Ää Lehrsatz muss mer immer uff de Rechnung hunn:                                                                                                                                           Mer muss met allem rechele im Lewe!

Comments are closed.