“Hiwwe wie Driwwe” meets “Dubbecast”

Franziska Ritter un Michael Werner beim Dubbecast Nr. 35 in Mainz

Do iss der Link zum Podcast: https://www.youtube.com/watch?v=Xk8zedWCVNQ Iwwer Pennsylvaani, die Palz, Elbedritsche un en latt meh. Haricht sell mol ab!

Advertisement

Die Schtiehl sinn leer

Palatine Dialect Poem of the Year 2022: Michael Dostal (VIELPFALZ) un die Maritta Reinhardt

Die Schdiehl sinn leer
Sie wibbe net, sie drehn sich net
Unn rolle aach net wischdisch
Unn beschäfdischd hie unn her

Die Schdiehl sinn leer
Unn monscher sucht
Met ausgeschdreggde Arme
Om Schreibdisch nohme bissje Halt

In de Kantin
Do schdehn se Kobb
Do regge se die Baah verkehrt
Nuff on die Degg

Die hunn jetz Ruh
Denk ich
Die hunn jetz frei
Unn nix se duh

Hunn lockdown
Kaan hockdown
Alla hopp

Kaan Pausekaffeeworschdbrotfleck
Unn kaan soziale Zweck
Die Schdiehl sinn leer
Net nor im Birro do bei mer

Im Kino hochgeklappt
Unn Popcornkrimmelfrei
Aach im Theader ordentlich unn fei
Unn schdumm unn sauwer Reih fer Reih fer Reih

Geschdabelt, on die Wond geschdumbt
Zugedeckt unn ohgekett
Do wo mer sunsch minonner isst unn trinkt
E Feschd gefeiert hätt

In dungle Egge uffgebockt
Setzt sich nor Schtaab druff
Uff die Schdiehl
Unn sunsch kimmt kaaner wo sich hockt

‘S wärd net gelacht, aach net gebabbelt
Net dischbedeert, gegreint
Unn nix geschafft uff dene Schdiehl
Es gibt aach kaan Applaus

Ich hoffe nor
Die Schdiehl
Unn mer
Halle den Zuschtond
So long wie´s halt noch dauert
Ohne Schade
Aus

Maritta Reinhardt
Paelzer Mundartgedicht 2022

Doug Madenford grickt Dialect Award

Doug Madenford mit sei “Preis der Emichsburg Award” in die Mitt, zamme Gunther Bechtel (Mayor vum Stettel Bockenheim, rechts) un Dr. Michael Werner (Glied vun die Bockenheim Jury)

Der Dialect Award “Preis der Emichsburg” hot 2022 der Doug Madenford im Schtettel Bockenheim im alte Land grickt. Die Jury hot gsaat, der Doug hot en latt geduh fer die pennsylvanisch-deitsch Mudderschprooch im neie Land am geh halde mit sei Website padutch101.com, sei Youtube Videos, sei Buch “Schwetz mol deitsch” (zamme mit em Yossi Brown) und sei Musick (zamme mit em Chris LaRose). Newich sell hot er en latt geduh fer die Freindschaft zwischich die Pennsylvanisch-Deitsche im neie Land un de Leit in die “Pfalz” (Palatinate) im alte Land. Sell iss en Gegend im Rhine Valley, wu die meenschte vun die Voreldre vun die Pennsylvanisch-Deitsche abgeschtaert sinn fer ins neie Land ziehge. Die Kultur un die Schprooch sinn datt zimmlich ‘s seem, un die Leit hiwwe wie driwwe kenne ‘nanner guud verschteh. Der Doug Madenford hot im Movie “Hiwwe wie Driwwe – The Roots of the Pennsylvania Dutch” (2019) mitgemacht, un alleweil iss en Drupp vun Leit en zwedder Deel vun “Hiwwe wie Driwwe” am zamme gricke, ass 2024 in die Movie Theaters in Deitschland kumme soll (2025 in Pennsylvania). Aa do iss der Doug Madenford widder debei. Fer sell, hot die Jury in Bockenheim gsaat, iss er nau schunt ebbes wie en “Ambassador” vun die pennsylvanisch-deitsch Kulduur im alte Land. “Hiwwe wie Driwwe” saagt: “Gratulation, Doug! ‘S iss der recht Kall, ass seller Award grickt hot des Yahr.”