Category Archives: Neiigkeete

Zammelaaf in Lebnen!

PA Dutch 101

Guder Daag Blog Leser! Selle Woch hawwich en grosse Bekanntmaching zu gewwe. Alle Yaahr in Lepnan gebt es en Pennsylvaanisch Deitsch Fescht. Selles Yaahr iss der Pennsylvaanisch Deitsch Zammelaaf uff der 22. Matz, 2014. Es waerr uff re New Covenant Grischtliche Schul (452 Ebenezer Schtross, Lepnan, PA) sei. Es koschdet nix reizugeh! Alles fangt um 9 Uhr aa.

Sie waerre Deitsche Handwarricks un Kunscht zu kaafe un aa nadierlich appeditliches Deitsches Esse. Selles Yaahr gebt es aa Kinnerschpiele! Es gebt ee paar Schwetzer un Leit die en Presentation mache waerre:

9:30 – Die Schwadore Schalle waerre singe. Die Schalle iss en Drupp vun Kinner un Uffgwaxeni die in re Mudderschprooch singe. ‘Sis arrig schee die Schprooch mit Myusick zu heere, abbadich wann es vun Kinner gsunge iss. 

10:45 – Der Dr. Robert Kline waerr die Presentation “Schweschder Schprooche: Pennsylvaanisch Deitsch un Yiddisch” gewwe. Sell klangt arrig inderessant. Ich hoff as…

View original post 197 more words

Neiigkeet: Parre Richard Miller lest un schwetzt un singt im alte Land

Parre Richard Miller

 

 

 

 

 

 

 

 

 

 

Der Parre Richard Miller vun Topton (PA) kummt naach Deitschland im Oktower un schwetzt un lest un singt in die pennsylvanisch-deitsch Mudderschprooch. Wer ihn sehne un heere will, hot vier Chances:

Ober-Olm: Oct. 17, 2013, 19.00 Uhr, Bücherei
Oberalben : Oct. 18, 2013, 19.00 Uhr, Auswanderermuseum
Bockenheim : Oct. 19,  2013, 14.00 Uhr, Festzelt Mundartwettstreit
Ladenburg : Oct. 20, 2013, 14.30 Uhr, Domhof

Meh Information: info@hiwwe-wie-driwwe.de

Neiigkeete: Schreiwerfescht in Kutzeschtettel

Witt du eppes uff Deitsch schreiwe?

Guder Daag Blog Leser! Well ‘sis widder Zeit uff eppes wichdig zu denke: Es Pennsylvaanisch Deitsch Schreiwers Fescht! Es Kutzeschteddel Volks Fescht waerrd es siwweder yaahrliche Pennsylvaanisch Deitsch Schprooch Schreiwers Fescht halde. Sie gucke fer Leit die neie Beischpiele vun Pennsylvaanisch Deitsch Schreiweschticker schreiwe un lese wolle. Die Schticke kenne Katzgschichte, Gedichte, Skits, odder eppes nooch sei.

Selles Yaahr waerrd es Fescht uff em 2. Tschulei um 1:30 uff em Seminar Stage sei. Schticke solle bis der 1. Tschunn gschickt waerre. Die Schticke solle aa en Englische Iwwersetzung hawwe. Wann dihr eppes schreiwe wollt, schickt es mol aa:

Der William Donner
Pennsylvania German Language Exposition
Anthropolgy Department
Kutztown University
Kutztown, PA 19530

Dihr kennt aa ihn aarufe: 1-610-683-4249 odder en E-Poscht schreiwe: donner@kutztown.edu – nau seid so gut un schreibt eppes! Deel vun die Schticker warre gedruckt die Zeiding “Hiwwe wie Driwwe”.

Douglas Madenford
Howard (PA)