Author Archives: Michael Werner

Deitsch Web TV: Kutztown Folk Festival iss yuscht rum ums Eck

‘S Kutzeschtettel Folk Fescht iss yuscht rum ums Eck, un fer sell hot der Doug Madenford en Promotion Video geduh. Er schwetzt, iwwer was am aageh iss in Kutztown in die erscht Woch vun Tschulei un was mer sehne, heere un duh kann. Ya, un er schwetzt aa vun en Drupp Musiganter, ass wunnerfitzich sinn fer ausfinne, wie die guudi Leit datt driwwe im neie Land ihr Musick gleiche: die “New Paltz Band”. Grooss Dank, Doug. Sehn dich schpeeder! Fer’s Video sehne, click yuscht datt:

Advertisements

Deitsch Web-TV: Patrick Donmoyer schwetzt iwwer sei Schprooch

 

Patrick Donmoyer Pälzer Blut

“Wann du Grumbiere blanzscht, grickscht du Grumbiere.” – Patrick Donmoyer schwetzt iwwer sei pennsylvanisch-deitschi Schprooch.

Click mol do fer es sehne.

Bekanntmaching

Liewe Leit, sell iss yuscht en Bekanntmaching, ass es widder en pennsylvanisch-deitscher Goddesdienscht gebt in Abril. Geht mol datt anne, wann dihr gleicht, en Breddich in die Mudderschprooch zu heere.

HwD Web TV: Geh mol in die Movies …

“Hiwwe wie Driwwe” kammer nau net yuscht lese, awwer aa sehne – erscht im alte Land un noht im neie Land. So geh mol in die Movies un guck, was mer lanne kann, wann en Pennsylvanisch-Deitscher es alte Land bsucht. Click do un grick all die Dates …

Deitsch Web-TV: Wie mer Faasnachts macht


Click do fer es Video sehne:

‘S iss Faasnacht, un die Madenford Familie in Pennsylvaani iss widder “Faasnachts” am backe. ‘S iss kenn hatter Tschabb, awwer’s nemmt en Weil – wammer es der recht Weg duht. Scheint’s henn die Kinner die erschte Faasnachts abbadich gegliche. ‘S guckt wie sell …

Grundsaudaag 2019: ‘S Friehyahr kummt ball

Mir henn der zwett Hanning, un’s iss Grundsaudaag. Der Phil hot der Mariye sei Schadde NET gsehne in Punxsutawney (PA), so kemmer froh sei, ass es Friehyahr ball kummt. Ebbes wie en Friehyaahr hot’s aa gewwe im Yaahr 1987, wie der Ronald Reagan un der Mikhail Gorbatchev zamme kumme sinn un der INF Treaty gemacht henn. Sell waar schmaert. In 2019 hot en anner Kall gsaat, ass er sell Treaty nimmie gleicht. Sell iss verleicht net ganz so schmaert. Eenicherweg. Uff sell Pickter kennt dihr en Grundsau Lodsch Program sehne aus em Yaahr 1988. Die Pennsylvanisch-Deitsche henn selli Zeit der INF Treaty scheint’s aa gegliche …

Deitsch Web TV: Erschte Wadde

 

 

 

 

 

 

Click do fer’s Video schtaerte.

Sarah Swartzentruber waar Amish uffgebrocht, un sie hot deitsch gschwetzt deheem. Uff des do Video weist sie alliebber erschte Wadde in Pennsylvanisch-Deitsch. Mer hoffe, sie duht meh Videos wie sell in die neegscht Zeit.

Deitsch Web TV: Neiyahrswinsch 2019

Click do fers Video schtaerte.

Der Mike un die Linda Hertzog henn der Neiyahrswinsch 2019 geduh uff Berks County TV (BCTV). Sell waar im Program “Die Pennsylvanisch Deitsch Schtunn”. Der Patrick Donmoyer hot en Interview gemacht die die zwee un hot ihne aa en Award gewwe. Alle beed sinn 2019 die “Featured Artists” vun “Hiwwe wie Driwwe” – so welle mer en wennich meh bekannt mache in die neegschte Munete, was die zwee am duh sinn. ‘S iss es latt, sell iss ferschur. All unser Website Bsucher winsche mer en hallich nei Yaahr 2019!

 

 

Deitsch Web-TV: Der Belznickel kummt

Fer es Video sehne, click datt: Schtaert Video

‘S nemmt nimmie lang, un’s mer henn widder Grischtdaag. Fer sell legt uns unser Freind Doug Madenford nochemol aus, was der pennsylvanisch-deitsch Belznickel iss. Ya gewiss, die Pennsylvanisch-Deitsche henn ihr eegner Kall ghatt, ass die Bresends gebrocht hot zu die Kinner. Sell glaabt dihr net. Nau haricht mol, was der Doug verzehlt …