Author Archives: Michael Werner

Deitsch Web-TV: Der Belznickel kummt

Fer es Video sehne, click datt: Schtaert Video

‘S nemmt nimmie lang, un’s mer henn widder Grischtdaag. Fer sell legt uns unser Freind Doug Madenford nochemol aus, was der pennsylvanisch-deitsch Belznickel iss. Ya gewiss, die Pennsylvanisch-Deitsche henn ihr eegner Kall ghatt, ass die Bresends gebrocht hot zu die Kinner. Sell glaabt dihr net. Nau haricht mol, was der Doug verzehlt …

Advertisements

Hiwwe wie Driwwe TV: Patrick Donmoyer in Bockenheim 2018

Click do fer’s Video sehne.

Der Patrick Donmoyer, Director vum “Pennsylvania German Cultural Heritage Center” in Kutzeschtettel, waar im alte Land gwesst in Oktower 2018. Er hot gschwetzt iwwer Scheierschtanne, Elbedritschlicher un Braucherei in Alzey, Oberalben, Bockenheim um beim 13th German-Pennsylvanian Day im Schtettel Ober-Olm. In Bockenheim hot er beim 66th Palatine Dialect Writers Contest sei Gedicht “Die Wandrer” glese. Die 250 Leit hatt henn sell Text abbadich gegliche …

Deitsch Web-TV: Doug Madenford iwwer “Die erschte 1000 Wadde”


(Fer es Video sehne, klick uff es Pickter.)

‘S gebt en nei Bichli mit Title “Die erschte 1000 Wadde in Pennsilfaanisch-Deitsch”. Sell Bichli iss gewiss ebbes fer en latt Leit: fer Kinner, fer Eldre un aa fer die Gremmem un der Gremmpaep. Der Doug Madenford verzehlt wennich meh iwwer was es alles gebt uff die unnerschiddliche Bledder …

‘S Katz Deitsch Schtick: Mei Riggelweg

Mei Riggelweg

Wann ich mol ganz umleidlich bin
Un niemand meh will seh,
Noht graeddle ich die Schteg enuff,
duhn uff mei Schpeicher geh.

Datt schteht mei alter Riggelweg,
Grooss ess er, gmacht vun Tin.
´S gebt blendi Heiser, Leit un Beem,
En Station middes drin.

Was bin ich alsemol verzannt,
Un grick en rooder Kopp,
Denk ich an sell grooss dabbich Wand. –
Noht drick ich uff der Knopp.

Un schun schtaert glei mei Riggelweg,
Weess nix vun aarme Leit,
Ass welle besser lewe yuscht,
Fer alles sinn bereit.

Mei Riggelweg weess nix devun,
Ass mer nau Kinner trennt
Vun ihr Familie, denk yuscht mol.
Ich weess, was mer sell nennt …

Doch saag ich nix, inschtatts vun sell,
Watch ich mei Riggelweg,
In Circles geht er schnell wie nie,
Ganz naach seim Leweszweck.

In seim Land gebt’s kenn Weisshaus net,
Kenn Karich un kenn Gmee,
Kenn Bressens un kenn groossi Wand,
Un alles, was ich seh …

Sinn kummne Leit, sie gucke ´s seem,
Vun owwe – glee wie nie,
Wasewwer aa ihr Ziel sei mag:
Sie gehn in Circles hie.

Un darich die Zeit verliert sich doch,
was dumm iss un was gscheit,
Was nau noch recht iss, iss ball letz,
´S kimmert mich nix heit.

Un ewich geht der Riggelweg,
Weess nix vun guud un bees,
Un ass sei Weg unendlich iss,
Iss alles, ass er weess.

Milton Ivvahzvarich (2018)

Gallery

Premiere: “Hiwwe wie Driwwe – Pfälzisch in Amerika”

This gallery contains 10 photos.

Der Christian Schega un der Benjamin Wagener henn ihr Documentary “Hiwwe wie Driwwe – Pfälzisch in Amerika” faddich grickt in 2018. ‘S erscht mol abgewisse zu Leit henn sie ihr Project im State Parliament vun Rheinland-Pfalz (Landtag) in Mainz am … Continue reading

Rate this:

Deitsch Web-TV: Davey Applebutter

Klick do fer es Video sehne: https://www.youtube.com/watch?v=85f1syN55FE

Die Rachel Yoder un der Doug Madenford, zwee waricklich guudi Freinde, henn zamme en nei Bichli gepublisht: Davey Applebutter. Davey iss en gleener Bu in Pennsylvaani, un er lannt, was am aageh iss uff en pennsylvanisch-deitschi Bauerei. Sell Bichli iss alle beed in die Mudderschprooch un English. Die Rachel hot die Pickters gemolt, un der Doug hot die Wadde gschriwwe. Mer kann sell Bichli kaafe bei Masthof Press .

Deitsch Web-TV: Pennsylvanisch deitsche Wadde in die englisch Schprooch


Click here to watch the video!

Katie Steckly, en yung Mennischte Meedel, ass alleweil in Waterloo (Canada) an die University lannt, schwetzt iwwer die englisch Schprooch vun ihr Familie. Sie henn en latt deitsche Wadde, ass sie yuuse, gell!

Deitsch Web TV: Pennsylvania Dutch 101

Click here: Pennsylvania Dutch 101

Doug Madenford schwetzt iwwer sei deitsch Online Class “Pennsylvania Dutch 101”.

Deitsch Web-TV: Wunnerfitz?

Weescht, was en “Wunnerfitz” iss? Nee, dann settscht du sell Video watche.
Die zwee Buwe, Chris und Doug, schwetze iwwer noch en Watt – awwer sell verrote mer net.