Interview mit em Belsnickel

Glaabt’s odder net, awwer der “one and only” Belsnickel hot en Interview gewwe zum Doug Madenford. Ay ay ay – sell waar awwer gewiss ebbes. Ich denk, der Doug hot ferschur ebbes glannt fer’s Lewe … un der Belsnickel hot en wennich iwwer sich selwert gedenkt. Verleicht es erscht mol, sitter er do iss in dere Welt, ass alle Yaahr en wennich mehner verhaust … Haricht sell mol ab:

https://dougsfrontporch.buzzsprout.com/1022749/11781627-64-the-belsnickel

Deitsch Web Radio: “Der Mann, ass blugt un saeht”

Mir winsche all unser Zeiding Leser un Heemetblatt Bsucher en wunnerbaar guudes un gsundes Yaahr 2015. Mer schtaerte der Yenner mit en Song, ass der Fuhremennischt Isaac Horst vun Mount Forest – der “Issak vum Barigwald” – gschriwwe hot Yaahre zerick: “Der Mann, ass blugt un saeht”. Drauss iss es am schneehe alleweil, awwer wann die Daage laenger warre un’s widder wennich waarm watt, schtaerte die Bauere widder mit ihr Arewet. Mer welle net vergesse, was sie am duh sinn fer uns all, so ass mer net hungerich ins Bett geh misse.

HwD Webradio: Der Ewich Yaeger

Dihr liewi Leit,

Grischtdaag iss verbei, awwer unser Webradio geht noch en wennich weider. Der Johnny Brendle vun Reinholds hot aa gschwetzt uff de Luft iwwer ebbes, ass mer “Der Ewich Yaeger” (The Eternal Hunter) heesst. Ich weess net, eb dihr seilewes schunt vun ebbes wie sell gheert henn. ‘S iss en alt Schtori, ass aa guud bekannt waar unnich die deitsche Leit im alte Land, eb sie abgschtaert sinn iwwer die See naach Pennsylvaani. Mer kann saage, ass nimmi zu viel Leit ebbes vun sell wisse in Deitschland. Unnich die Deitsche im Pennsylvanisch Deitschland awwer iss der “ewich Yaeger” noch ganz guud bekannt, un’s gebt heit noch Leit, ass saage, ass sie ihn schunt gheert henn yaage in ‘re kalt Yenner Nacht. So hot aa der John Brendle. Haricht sell mol ab un klickt mol datt odder uff es Logo.

Der HwD Drucker

HwD Grischtdaag Radio 2011: “Neiyaahr Gebreiche”

Des iss es dritt Program vum HwD Grischtdaag Radio 2011. Der Johnny Brendel vun Reinholds (PA) verzehlt iwwer die Belznicklerei un etliche Neiyaahr Gebreiche in Pennsylvaani. Klickt yuscht uff sell Pickter, un’s Program schtaert …

 

 

 

HwD Grischtdaag Radio 2011 “‘Grischtdaag Gebreiche”

Johnny Brendel verzehlt vum erscht Grischtbaam un anneri Gebreiche zwischich Grischtdaag un Neiyaahr. Haricht sell mol ab. Sell iss der zwett Deel vum HwD Grischtdaag Radio Program 2011. Klick yuscht uff’s Pickter do rechts …