‘S Katz Deitsch Schtick

Disember

´S Yaahr iss alt. Sei Haar sinn dinn.
Guckt gaar nimmie gesund.
Weess, ass sei Daage rum ball sinn;
Kennt aa sei letschti Schtund.

En latt iss gschehne, deel aa net.
All sell ruht unnich Schnee.
Weiss iss die Welt – der Weg, wie’s sett.
Doch duhn Gedanke weh.

Noch waxt der Muhnd, noch watt er glee.
Nix bleibt. Un nix geht fatt.
‘S iss alles waahr, was mer kann seh.
Un doch aa letz en latt.

Ball kummt der Belzenickel bei,
Deel Kinner waarde bang.
En Grischtbaam holt en Paep ball nei
Ins Haus. Die Zeit watt lang.

Waarscht aa en Kind. Denk mol zerick.
Du meindscht noch, wie sell fiehlt.
Heit glaabscht nimmie an der alt Nick,
Hoscht ihn schun oft geschpielt.

Ball schlagt em Yaahr sei letschti Schtund.
Noht iss es rum – wie’s sett.
Een Daag machscht aa mol zu dei Mund.
Doch wann sell iss, weescht net.

Michael Werner (naach Erich Kästner)





Norbert Schneider gwinnt Award

Norbert Schneider (in de Mitt) mit Michael Werner (Hiwwe wie Driwwe) un Michael Dostal (VielPfalz) in Bad Dürkheim

Norbert Schneider (Rehborn, Palainate) hot der Award “Dialect Poem of the Year 2021” grickt im alte Land fer sei Gedicht “Recheliewunge”. Die Zeidinge “VielPfalz” un “Hiwwe wie Driwwe” henn ihr Leser gfrogt ghatt fer en Entscheiding mache, welles vun zwee Gedichte – ass alle beed en Contest gwunne ghatt henn – es bescht iss. Do iss es Gedicht:

Recheliewunge

Im Alder werd mer immer mie gewahr:
Es Lewe ess kää grari Linje ohne Enn,                                                                                                                                                                   nää, mie e Streck, mem Endpunkt in de Schwewe.                                                                                                                                                Oft hot mer sich als nor im Krääs gedreht,                                                                                                                                                              im volle Umfang ess mer nimmi uff de Heeh,                                                                                                                                                          de Scheidelpunkt ess iwwerschrett im Lewe.

In manche sache hatt mer inveschdeert,
doch Zinse hot´s nor arich selde abgeworf,                                                                                                                                                              de Insatz hoch, mau de Ertrach denewe.                                                                                                                                                                   Mer hatt sei Pleen gemach unn kalguleert:                                                                                                                                                              Do schwupp – ää äänzich Vorzeiche nor ännert sich,                                                                                                                                           ruck-zuck gibt`s glei e großer Bruch im Lewe.

Macht mer de Saldo unn zieht mol Bilanz,
stellt alles iwwerschleechich gejenanner uff,                                                                                                                                                        dann dut`s Ergebnis driwwer Uffschluss gewwe:                                                                                                                                                Summasummarum dann im beschde Fall                                                                                                                                                                hatt mer om Enn e Hekdolidderfass voll Glick                                                                                                                                                       unn nor zwää Schobbeblech voll Pech im Lewe.

Es Äämolääns vum Lewe iebt sich nit,
e Haufe Unbekannde speele do e Roll.                                                                                                                                                                   Wahrscheinlichkääde kammer nor erhewe,                                                                                                                                                            wer wääß dann, ob de Rechelweech aach stimmt?                                                                                                                                                  Ää Lehrsatz muss mer immer uff de Rechnung hunn:                                                                                                                                           Mer muss met allem rechele im Lewe!

Hiwwe wie Driwwe Buch iss faddich

Yuscht en katzi Weil zerick iss es Bichli “Hiwwe wie Driwwe – Der Pennsylvania ReiseVERführer” gedruckt warre un gschickt zu meh wie 400 Unnerschtitzer vun unser Crowdfunding Campaign. Nau kammer es Buch aa kaafe in all die local Schtors im alte Land un ferschur aa online. Alles datt drin iss gschriwwe in hochdeitsch. Uff em Pickter weise der Michael Werner (author) un der Steffen Boiselle (publisher) ab, wie es Bichli guckt …