Don Breininger vun Nei Tripoli – uff sell Pickter zamme mit sei Fraa Norma – hot gschwetzt beim 59. Mudderschprooch-Schreiwer Contest im Schtettel Bockenheim (Palatinate). Meh wie 250 Leit aus em alte Land henn sell abgharicht un gegliche. Die Paelzer henn sei Pennsylvanisch-Deitsch guud verschtehe kenne. Sie henn ferschur vermarickt, ass deel Wadde, ass geyuust sinn warre, altfraenkisch gelaut henn zu ihre Ohre – un annere waare yuscht Englisch. Sie henn am End viel geblatscht, un die Organizers vun sell Versammling henn ihn en Eilaading gewwe fer noch emol schwetze en Daag schpeeder. Naach sell Event watt er noch Gschichte verzehle beim 6. Deutsch-Pennsylvanisch Daag im Schtettel Weierhof (Palatinate).
The Pennsylvania German Newspaper 